Stali ste na morskog ježa? Ovo odmah treba da uradite

morski jež/
ilustracija
Nastavak vijesti ispod promo sadržaja

Ljetovanje na moru može se u sekundi pretvoriti u neprijatno iskustvo ako nagazite na morskog ježa.

Oštre iglice, bol i otok mogu pokvariti dan, a ako se ne reaguje na vrijeme, i cijelo ljetovanje. Donosimo savjete šta odmah preduzeti, kada potražiti stručnu pomoć i kako da izbjegnete infekcije ili druge komplikacije, prenosi ordinacija.hr.

Ako stanete na morskog ježa, vjerovatno nećete moći da ignorišete ubod – bol je trenutna, uz crvenilo, otok i ponekad plavičastu promjenu boje kože (tzv. „morska tinta“). U većini slučajeva, riječ je o površinskoj povredi, ali ako je iglica prodrla dublje, može doći i do ozbiljnijih reakcija. Rjeđi, ali potencijalno opasni simptomi uključuju:

mučninu

vrtoglavicu

Nastavak vijesti ispod promo sadržaja

slabost mišića

Oglas

otežano disanje

U tim slučajevima ne čekajte – odmah potražite ljekarsku pomoć.

Prva pomoć – šta uraditi odmah nakon uboda?

Nastavak vijesti ispod promo sadržaja

Ostanite mirni i operite povredu

Stopalo operite mlakom vodom i blagim sapunom. Rana treba da ostane čista, otvorena i da “diše”.

Pokušajte pincetom izvaditi iglice

Budite veoma pažljivi – iglice morskog ježa su krhke i lako pucaju. Ako su preduboko, ne pokušavajte sami.

Topla kupka ublažava bol

Nastavak vijesti ispod promo sadržaja

Potopite stopalo u toplu vodu (40–45 °C) na 30 do 90 minuta. Ovo ne samo da ublažava bol, već i neutrališe moguće toksine.

„Topla voda denaturiše otrov, a rana mora biti pažljivo dezinfikovana kako bi se spriječila infekcija“, upozorava dr John Cunha.

Koristite antiseptik i eventualno mast

Na ubod nanesite blag antiseptik, a po potrebi i antibiotsku ili kortikosteroidnu mast – poput bacitracina ili hidrokortizona.

Protiv bolova uzmite lijekove

Nastavak vijesti ispod promo sadržaja

Ibuprofen ili paracetamol mogu pomoći kod bola i upale.

Kada obavezno posjetiti ljekara?

Ljekaru se obavezno javite ako:

bol ne prolazi poslije nekoliko dana

pojavi se gnoj, crvenilo se širi ili imate povišenu temperaturu

Nastavak vijesti ispod promo sadržaja

iglice su duboko u koži, blizu zgloba ili kosti

javljaju se sistemski simptomi: slabost, trnjenje, vrtoglavica, otežano disanje

„Ako se iglice ne izvade na vrijeme, mogu izazvati oštećenje nerava, pa čak i kostiju“, upozorava farmaceut Abas Kanani.

Takođe, provjerite kada ste posljednji put primili vakcinu protiv tetanusa – preporučuje se obnavljanje na svakih 10 godina.

Koliko traje oporavak?

Kod blažih uboda, uz pravilnu njegu, rana zarasta za 5 do 7 dana. Međutim, ako se formiraju potkožne kvržice (granulomi), oporavak može potrajati nedjeljama, pa čak i mjesecima – u tim slučajevima obavezno posjetite ljekara.